«Қазіргі Қазақстан. Елбасы Көшбасшылығының сабақтары»

«Мен үшін елімді дамыған елдердің сапына тұрғызып, санатына қосудан үлкен мақсат жоқ». 

Н.Ә. Назарбаев

Сабақтың тақырыбы: «Қазіргі Қазақстан. Елбасы Көшбасшылығының сабақтары»

Өткізу күні: 29.11.2019

Қатысқандар: 96

Шақырылған қонақтар:

1. Сағадиев Жанат – аудандық Нұр-Отан партиясының жетекшісі .
2. Аудандық кітапхана қызыметкерлері.
3. Жанібеков Ертай – қоғам қайраткері, белсендісі.

Мақсаты:

• Қазақстандық патриотизм, ұлттық сана қалыптастыру;
• Тәуелсіз мемлекет – Қазақстан Республикасының қалыптасуы мен дамуындағы Ұлт Көшбасшының рөлінің маңызын түсіну.

Міндеттері:

1. Елбасының өмір жолынан үлгі ала отырып Отанын, халқын сүюге, батылдыққа, азаматтыққа, патриоттық сезімге тәрбиелеу;
2. Елбасының азаматтық,патриоттық портретін баяндай білу дағдысын қалыптастыру.
3. Елбасына деген сүйіспеншілік сезімін ояту, құрметтеу;

Сабақ түрі: Топтық жұмыс

Оқытушының негізгі функциясы ол бағыттаушы, сабақ үстіндегі процесті ұйымдастырушы, ой қозғаушы. Студенттердің пікірін қолдап, тақырыптың аясында сұрақтар қойып қорытындылап отырады. Топта дисскусиялық жағдай орнатып, сол арқылы студенттердің қызығушылығын оятуға, белсенділігін арттыруға тырысады.

Жабдықтар мен материалдар: бейнежазба, презентациялар, ҚР рәміздері, хронологиялық кесте, Н.Ә.Назарбаевтің портреті, топтарда жұмыс істеуге арналған Н.Ә.Назарбаевтың қызметі  туралы ақпараты бар үлестірмелі материалдар, Н.Ә.Назарбаевқа арналған өлеңдер мен фотолардан ұйымдастырылған көрме.

САБАҚ БАРЫСЫ:

Қазақстан Республикасының Гимні ойнайды.

Кіріспе сөз

Бар әлемге шын танылдық міне, біз,
Елін сүйген Елбасы деп білеміз.
Тең аталып Қазақстан - Нұрсұлтан
Нұрсұлтан мен Қазақстан тұр егіз.

Күнге беттеп бара жатыр көш жүріп,
Елдің даңқы бар жаһанға естіліп.
Елбасыны құрметтейтін ерекше
Армысыздар, ақ пейілді көпшілік!

Азаттық пен елге қонды тосқан бақ,
Қазақ елін мойындауда дос таңдап.
Елбасының еңбегімен нұрлана
Қазағымның мерейі тұр аспандап.

Елі үшін олжа салып қиырдан,
Ықпаған еш ауыртпалық, қиыннан.
Мерекеңіз құтты болсын көпшілік
Елбасының құрметіне жиылған!

2019 жылғы 1 желтоқсанында елімізде Қазақстан Республикасының Тұңғыш Президенті күні атап өтіледі. Қазақстан Парламенті 2011 жылы Тұңғыш Президент күнін мемлекеттік мереке ретінде жариялайтын Заң қабылдады.

1991 жылдың 1 желтоқсанында жалпы халықтық сайлауда

Нұрсұлтан Әбішұлы Назарбаев Қазақстан Республикасының Президенті болып сайланды.

Н.Назарбаев – «Саналуандылық арқылы – бірлікке» шоғырланған принципі қамтылған, ел бірлігі мен этносаралық толеранттылықтың қазақстандық үлгісінің авторы.

Н.Назарбаев жастайынан өзінің білімге құштарлығын танытып, көпшіліктің ықыласына бөленді. Оның бойын­дағы үздіксіз ізденіс, ісіне деген адалдық пен тиянақ­ты­лық – кейінгі ұрпаққа үлгі-өнеге. Бала шақтан қа­лыптасқан адами қасиеттер оны биік белестерге жетеледі.

Н.Назарбаев жас кезінен бастап адамды еңбегі мен қабілетіне қарай бағалаған. Ол өзгені осындай қасиетіне қарай сыйлап, сонымен қатар өзінің де қабілет-қарымын таныта білді. Жалынды жастық шақта албырттыққа жол бермей, әрдайым арман-мақсатында ойлылық, көрегенділік танытты.

Ел ертеңі  жастардың  білімі мен білігі, ары мен намысы, қайраты мен жігеріне байланысты. Көкейтесті мұратқа жету үшін терең білім, күш-қайрат, шыдам қажет.

Н.Назарбаев үнемі ел жастарына сенім артады, олардың биік шыңдарды бағындырғанын қалайды. «Тәуелсіз Қазақстанның жастары, нақ сендер елдің ең басты байлығы болып табылатындарыңды және біздің Отанымыз – Қазақстан Республикасының болашағы сендерге байланысты екенін есте ұстаңдар»,  – деген Елбасы жастарға көп үміт артады. Мен бұдан ел әдебиетін, тарихын терең меңгеріп, адамдық биік белесті бағындыруым керек екендігін сезіндім, алдыма үлкен мақсат қойдым. Асыл арман, мақсатқа жету жолында кездескен қиындықтар мен сәтсіздіктерге қарсы тұрамын. Себебі мен – ел ертеңімін, өз елімнің перзентімін. Мен қиындықта құрыштай шыныққан Н.Назарбаевтың өнегесін болашағыма бағдар етіп ұстаймын. Сонымен қатар, мен өзімнің достарым мен замандас­тарымның Елбасы саясатын қолдап, үнемі биіктерден көрінетініне сенемін.

Назарларыңызға Нұрсұлтан Әбішұлы Назарбаев туралы бейнежазбаны ұсынамыз.

Тәлім алар, тағылым

Елбасының әрбір сөзінде мән мағына бар. Тәлім алар, тағылым боларлық құндылықтар жетерлік.

«Бұл заман білекке сенетін емес, білімге сенетін заман».

«Заманауи әлемде елдің қуаты ең алдымен азаматтарының білімімен өлшенеді».

«Сол білімді қажетке, тұрмыс игілігіне жарата білуімен бағаланады».

«Инемен құдық қазғандай, қиын да күрделі, орасан қажыр-қайрат пен ерік-жігерді талап ететін білімсіз – өмір тұл».

«Терең білім – тәуелсіздігіміздің тірегі, ақыл-ой – азаттығымыздың алдаспаны».

«Бүгін қазақстандықтар – жас және серпінді ұлт. Біздің азаматтарымыздың орта жасы 35-тен аспайды».

«Жас қазақстандық азамат дегені­міз – бұл тек құқық қана емес, бірінші кезекте өзі, өзінің отбасы және біздің Отанымыз үшін ұлы жауапкершілік екенін есте ұстаулары тиіс».

«ХХІ ғасырда қазақстандықтар Ұзақ жасаушылар Ұлты болуы тиіс».

«Денсаулықты бірінші кезекте адамның өзі қалыптастыруы керек».

«Мен сіздерді және барлық студент­терді біздің олимпиадашыларымыздың жеңісі құрметіне зиянды әдеттерден бас тартуға шақырамын, спортпен айналысыңыздар, саламатты өмір салтын ұстаныңыздар».

«Біз «білім – ғылым – инновациялар» үштігі билеген постиндустрия­лық әлемге қарай жылжып келеміз».

«Біздің еңбек сүйгіштігіміз біздің екінші құнды жеңісіміз болып табылады».

Студенттер арасында ойын.

 Бағдарламаларды дайындау (10 минут).

Ұсынымдар:Студенттер  3 командаға бөлінеді, олардың әрқайсысы өзінің сайлау алды бағдарламасы бар партия болады. Әрбір партия өз атауын таңдап, Елбасы Н. Ә. Назарбаевтың қызметіне сүйене отырып бағдарлама әзірлеуі тиіс. Бұл үшін топтарға Президенттің қызметі туралы ақпараты бар үлестірмелі материалдар таратылады немесе, мүмкін болған жағдайда, ақпаратты интернеттен іздеу ұсынылады. Бағдарламаға қосымша әрбір команда Тұңғыш Президент– Елбасының қызметі бойынша басқа командаларға арналған сұрақтар дайындайды.

3. Бағдарламаларды ұсыну (15 минут).

Ұсынымдар: Әрбір топқа бағдарламасын ұсыну үшін 3-4 минут беріледі. Бұл жерде топтың бір мүшесі немесе бірнеше мүшесі сөйлеуі мүмкін. Хабарлама әртүрлі формада болуы мүмкін, соңында аудитория немесе сайланған қазылар алқасы тарапынан хабарламалар бағаланады (оқытушыныңалдын-ала шешімі бойынша балл қойылады, қошемет білдіріледі немесе ауызша айтылады). Жеңімпаз үздік бағдарлама үшін дауыс беру нәтижелері және сұрақтарға берілген жауаптардың дұрыстығы бойынша анықталады.

Рефлексия: Студенттер осы сабақтан өздерінің тұлғалық өсуіне себеп болатындай не алдыңыздар? (3 минут)

Ойын барысында студенттер келесі партиялар болып сайланды: «Отан», «Ізгі жол», «Мәңгілік ел». Студенттер ойын барысында төмендегідей бағдарламаларын ұсынды:

- Жемқорлыққа қарсы заңды Қытай халқындағындай  қатандату;

- Көп балалы, жалғыз басты аналардың тұрғын үй мәселесін шешу;

- Ауылдардың жолын жөндеу мәселесі;

- Ауылшаруашылық мәселелерін шешу жолдары;

- Балалар үйі мен қарттар үйлерінің саның Заңды қатандату арқылы азайту т с.с. мәселелер талқыланды.

Құрметті студенттер бүгін Елбасы туралы мәліметтерді толықтырдық, біраз сұрақтар аясында да сөз қозғалды, бойларыңа патриоттық сезім мен ұлттық сана қалыптасты, Тәуелсіз мемлекет – Қазақстан Республикасының қалыптасуы мен дамуындағы Ұлт Көшбасшының рөлінің маңызын түсіндіңіздер деген пікірдемін.