Created: 10 Ақпан 2022
79

Бүгін Шет агротехникалық колледжінің базасында «Жас маман» жобасын іске асыру шеңберінде құрылған «AGRO TECH» ауыл шаруашылығы құзыреттілігі орталығы ашылды

09:02:2022

Құрметті оқырман!
Бүгін Шет агротехникалық колледжінің базасында «Жас маман» жобасын іске асыру шеңберінде құрылған «AGRO TECH» ауыл шаруашылығы құзыреттілігі орталығы ашылды. Аталған құзыреттілік  орталығы облыс бойынша он бесінші болып табылады.
Шет агротехникалық колледжі аталған жобада «Ауыл шаруашылығын механикаландыру» мамандығы бойынша қатысады. Бүгінгі таңда жоба аясында сол мамандық бойынша 38 студент білім алуда.
Жоба аясында колледжде «Ауыл шаруашылығын механикаландыру» мамандығы бойынша  4 шеберхана, 3 зертхана және 4 теориялық дәрісханалар заман талабына сай жабдықтармен және техникамен қамтамасыз етілген. Жабдықтар мен техникалардың тізімі WorldSkills стандарттарына сәйкестеліп, әлеуметтік серіктестермен және «Атамекен» кәсіпкерлер палатасымен келісіліп бекітілген.
Құзіреттілік орталықты салтанаты түрде  Қарағанды облысының білім басқармасының басшысы Гүлсім Шабданқызы Қожахметова және Шет ауданының әкімі Мұхит Сайлауұлы Мухтаров ашты. Жиынға колледждің әлеуметтік серіктестері «ШетКомунСервис» КМК директоры Социал Саят, «ҚазақАвтоДор, ДЭУ-77» директоры Бейсенбаев Арман Қалдыбайұлы, «НоваЦинк» ЖШС бас директорының орынбасары Жанасбаев Нұрислам, «Харекет» ШҚ жетекшісі Хантурин Қуаныш Хамитұлы, «Ернат» ШҚ жетекшісі Бортебаев Еркінтай, «Қайрат» ШҚ жетекшісі Ыбрай Шынатай да қатысыты.
«Жас маман» жобасы колледж студенттерінің кәсіби құзіреттіліктерін дамытып, оларды жаңа сапалы деңгейге шығаруға және де ауыл шаруашылық саласы бойынша біршама білікті де білгір мамандар даярлауға мүмкіндік береді.