2021 жыл - «Балалардың кітап оқуын қолдау» жылы аясында

Шет аудандық кітапхананың ұйымдастыруымен Шет агротехникалық колледжінде, колледж студенттерімен «Бір ел - бір кітап» республикалық акциясы бойынша «Тәуелсіздігіміздің 30 жылдығына - 30 кітап» тақырыбында әдеби ақпарат өткізілді. Іс шара барысында «Бір ел-бір кітап» акциясы туралы мағұлмат беріліп, биылғы жылы ел Тәуелсіздігінің 30 жылдығына орай, «Тәуелсіздігіміздің 30 жылдығына – 30 кітаптың» тізімі оқырман назарына ұсынылды. Аталмыш акция бойынша Жұмекен Нәжімеденовтің «Менің Қазақстаным», Тобық Жармағамбетовтың «Отамалы», Тұрысбек Сәукетайдың «Желқайық» атты кітаптарына жасалған буктрейлер көрсетілді.
«Әдебиеттің дара тарландары» атты кітап көрмесі таныстырылды. Шараға қатысушы студенттер «Бір ел-бір кітап» акциясы туралы өз ойларымен бөлісіп, поэзия оқып өнерлерін ортаға салды.